Martes, Mayo 26, 2015

ANG NINGNING AT ANG LIWANAG

Ang Ningning at Ang Liwanag
(Mula sa Liwanag at Dilim)
ni Emilio Jacinto

Ang ningning ay nakasisilaw at nakasisira sa paningin. Ang liwanag ay kinakailangan ng mata, upang mapagwari ang buong katunayan ng mga bagay-bagay.

Ang bubog kung tinatamaan ng nag-aapoy ng sikat na araw ay nagniningning; ngunit sumusugat sa kamay ng nagaganyak na dumampot.

Ang ningning ay maraya.

Ating hanapin ang liwanag; tayo’y huwag mabighani sa ningning.

Sa katunayan ng masamang kaugalian: Nagdaraan ang isang  karuaheng maningning na hinihila ng kabayong matulin. Tayo’y magpupugay at ang isasaloob ay mahal na tao ang nakalulan. Datapua’y marahil naman ay isang magnanakaw, marahil sa isang malalim ng kaniyang ipinatatanghal na kamahalan at mga hiyas na tinataglay ay natatago ang isang sukaban.

Nagdaraan ang isang maralita na nagkakanghihirap  sa pinapasan. Tayo’y napapangiti, at isasaloob.

Saan kaya ninakaw? Datapua’y maliwanag nating nakikita sa pawis ng kaniyang noo at sa hapo ng kaniyang katawan na siya’y nabubuhay sa sipag kapagalang tunay.

Ay! Sa ating naging ugali ay lubhang nangapit ang pagsamba sa ningning at pagtakwil sa liwanag. Ito nga ang dahilan kung kaya ang mga loob na inaakay ng kapalaluan at ng kasakiman ay nagpupumilit na lumitaw na maningning, lalong-lalong na nga ang mga pinuno na pinagkatiwalaan ng ikagiginhawa ng kanilang mga sakop at walang ibang nasa kundi ang mamalagi sa kapangyarihan sukdang ikainis at ikamatay ng bayan na nagbibigay sa kanila ng kapangyarihan.

Tayo’y mapagsampalataya sa ningning, huwag nating pagtakhan ang ibig mabuhay sa dugo ng ating mga ugat at magbalat-kayong maningning.

Ay! Kung ang ating dinudulugan at hinahainan na puspos na galang ay ang maliwanag, ang magandang asal at matapat na loob, walang magpapaningning pagka’t di natin pahahalagahan. At ang mga isip at akalang ano pa man ay hindi hihiwalay sa maliwanag na banal na landas ng katuwiran.

Ang kaliluhan at ang katampalasanan ay humahanap ng ningning upang hindi mapagmalas ng mga matang tumatanghal ang kanilang kapangitan; nguni’t ang   kagalingan at ang pag-ibig na dalisay ay hubad sa ningning, mahinhin, at maliwanag na mapatatanaw sa paningin.

Ang mahabang panahong  lumipas ay isang labis na nagpapatunay ng  katotohanan nito.
Mapalad ang araw ng liwanag!

Ay! Ang Anak ng Bayan, ang kapatid ko, ay matututo kaya na kumuha ng  halimbawa at lakas sa pinagdaanang mga hirap at binatang mga kaapihan? 

- Mula sa Panitikan ng Pilipinas nina Panganiban at Panganiban, 1998


37 komento:

  1. as a baguio person, nakakainggit talaga yung mga kayang magsulat ng parang ganito. ;-;

    TumugonBurahin
  2. Ang haba...kailangan ko pang kopyahin...

    TumugonBurahin
  3. napakaganda ng ibig sabihin. sobrang lalim bagaman maraming matutuhan.

    TumugonBurahin
  4. i like fortnite so i dont care about this story

    TumugonBurahin
    Mga Tugon
    1. Sa tingin mo may pake kami sa fortnite fortnite mo? Kung wala kang pake dito edi bat ka nandito agaw pansin lang?

      Burahin
    2. Ang bastos mo naman dapat mo itong respetuhin...

      Burahin
    3. Dahil ito ay sulat ni Emilio Jacinto

      Burahin
    4. Grabe ka naman may magagawa bayang fortnite mo as future mo?wla diba..

      Burahin
    5. bat mo sinearch? kulang ka lang sa pansim

      Burahin
    6. ha burned

      Burahin
    7. pake namin sa fortnite mo mukha kang bayag

      Burahin
    8. the fact that there's these people who get so butt hurt about a single comment that literally owes nothing to their lives whatsoever. it would be nice to keep in mind that a person not caring about a specific thing another person feels otherwise about does not merit being a shithead to them. I'm not siding with anyone here, i do think yall have wasted your time on a kid when you're possibly here to finish your grade 9 essay or smthn. When you don't give a shit, then don't. it's that easy and i don't see anything difficult in the process ??? why do you have to sprinkle some hate in the comments ?? literally doesn't make you any better than anyone here.

      don't take this comment like its the same level as the others above, i'm just pointing out the bullshittery i wish we should all avoid next time :>

      Burahin
  5. i like the wrote of Mr. Emilio Jacinto this is so perfect bagamat malalim ang mga salita ngunit madaming matutuhan

    TumugonBurahin
  6. basta liwanag ang kabutihan at ang ningning ay kasamaan. #BASIC

    TumugonBurahin
  7. hindi ko nasabtan ang stury kay wa ko kasabot

    TumugonBurahin
  8. Reaksiyon tungkol sa ningning at liwanag

    TumugonBurahin
  9. parang don't judge the book by its cover...

    TumugonBurahin
  10. Sa aking pagsusuri, eto ang politiko noong panahon ng kastila. Dito sinabi ni emilio jacinto kung paano nagningning ang mga tao sa pamamagitan ng kanilang magarang suot, kayamanan, na ultimo’y anghel na pagkatao. Dito sinabi rin nya kung paano sila pinaningnining ng mga pilipino sa pamamagitan ng kanilang pustura at mataas na pagtingin sa mga ganong klaseng tao. Hindi na nila nasusuri ang tunay na anyo dahil ang kanilang mga mata’y bulag na silaw ng isang ningning. Na sa kabila ng kanilang pagningning, sila pa mismo ang mga taong gumagawa ng pighati, pananakit sa atin. Ito parin ay maihahalintulad sa kasulukuyan, bagama’t ang ganitong uri ng ningning ay ang pagkinang gamit ng kapangyarihan at mataas na posisyon. At magpasa hanggang ngayon, ito parin ang naging ugali ng mga pilipino, ang masilaw sa ningning o di kaya’y tumingin na lamang sa panlabas na anyong malinis.

    TumugonBurahin
  11. Ang masasabi KO lang ay ano ang mensaheng pinarating saatin ng kwento??

    TumugonBurahin
  12. Buti naka search ako dito ng project ko maraming salamat

    TumugonBurahin
  13. shaks im here cuz of my module shitz hahaha

    TumugonBurahin
  14. Gusto ko lang naman matapos natong aktibidad namin sa linggong ito, bakit napapatagalog ako ng todong-todo? Shocks! Ang lalim ng mga salita ni Ginoong Emilio Jacinto!

    TumugonBurahin