Martes, Agosto 11, 2015

HELE NG INA SA KANIYANG PANGANAY

Hele ng Ina sa Kaniyang Panganay
A Song of a Mother to Her Firstborn salin sa Ingles ni Jack H. Driberg
Isinalin sa Filipino ni Mary Grace A. Tabora

Mangusap ka, aking sanggol na sinisinta.
Mangusap ka sa iyong namimilog at nagniningning na mga mata,
Wangis ng mata ng bisirong-toro ni Lupeyo.

Mangusap ka, aking musmos na supling.
Ang iyong mga kamay na humahaplos sa akin.
Na puno ng tibay at tatag bagaman yari’y munsik.
Magiging kamay ito ng mandirigma, aking anak.
Kamay na magpapasaya sa iyong ama.
Tingnan mo’t nananabik na ako’y sapulin:
Nagbabalak nang humawak ng panulag na matalim.
Aking giliw, ngalan ng mandirigma sa’yo ilalaan,
at mamumuno sa kalalakihan.
At ika’y hahalikan sa yapak ng mga kaapo-apohan,
Kahit pa malaon nang naparam sa sanlibutan.
Ngunit lagi kong maaalala ang pagkapit mo sa akin,
Maging ang paghimlay mo sa aking dibdib,
At ang pagsulyap-sulyap sa akin.
Kapag ika’y itinanghal na gererong marangal,
Ako’y malulunod sa luha ng paggunita.

Munting mandirigma, paano ka namin pangangalanan?
Masdan ang pagbubuskala sa pagkakakilanlan.
Hindi hamak na ngalan sa iyo’y ibibigay,
Hindi ka rin ipapangangalan sa iyong amang si Nawal sapagkat ika’y panganay.
Higit kang pagpapalain ng poon at ang iyong kawan.
Ikaw ba’y tatawaging “Hibang” o “Kapusugan?”
Ikaw ba’y tatawaging waring dumi ng baka na “anak ng kamalasan?”
Ang poo’y di  marapat na pagnakawan,
Sa iyo’y wala silang masamang pinapagimpan.
Ika’y kanilang pinaliguan at dinamitan ng kagandahan.
Ika’y biniyayaan ng mga matang naglalagablab.
At ang pambihirang pangungunot ng iyong kilay
Ay hindi ba palatandaan na ika’y maingat nilang pinanday?
Yaman ni Zeus at Aphrodite sa iyo’y kanilang inalay.
At ang katalinuhang nangungusap sa iyong mga mata,
Maging  sa iyong halakhak.
Paano ka pangangalanan, aking inakay?
Ikaw ba’y lahi na iyong lahi o naiibang nilalang?

Munting mandirigma, sinong anito sa iyo’y nananahan?
Kaninong mapagpalang kamay ang sa aking dibdib dumadantay?
Sinong yumuyungyong sa iyo’t nagpapasigla ng buhay?
Ikaw ba’y kanlong ng kapayapaan?
Ngunit ika’y tila leopardong nasa palumpong at tumatanaw.
Hayaan, sa araw na yao’y iyong ibubuyangyang.
Aking supling, ngayon ako’y nasa kaluwalhatian.
Ngayon, ako’y ganap na asawa.
Hindi na isang nobya, kundi isang ina.
Maging maringal, aking supling na ninanasa.
Maging mapagmalaki  kaparis ng aking pagmamalaki.
Ika’y magbunyi kaparis ng aking pagbubunyi.
Ika’y irugin kaparis ng pagliyag na aking nadarama.
Anak, na ibinunga ng pag-ibig ng matipunong kabiyak.
Sa wakas, ako’y kahati ng kaniyang puso, ina ng kaniyang unang anak.
Ang kaniyang kaluluwa’y ligtas sa iyong pag-iingat,
Aking supling, ako, ako na sadyang sa iyo’y humulma.

Samakatuwid, ako’y minahal.
Samakatuwid, ako’y lumigaya.
Samakatuwid, ako’y  kapilas ng buhay.
Samakatuwid, ako’y nagtamasa ng dangal.

Iingatan mo ang kaniyang libingan kung siya’y nahimlay.
Tuwinang gugunitain yaring kaniyang palayaw.
Aking supling, mananatili siya sa iyong panambitan,
Walang wakas sa kaniya’y daratal mula sa pagsibol ng ‘yong kabataan.
Ikaw ang kaniyang kalasag at sibat, pag-asa’t kaligtasan sa hukay.
Sa iyo, siya’y muling mabubuhay tulad ng suwi sa kalupaan.
At ako ang ina ng kaniyang panganay.
Ika’y mahimbing, supling ng leon, nyongeza’t nyumba.
Ika’y mahimbing,

Ako’y wala nang mahihiling.

33 komento:

  1. ano ang pangarap niya?

    pasagot po pls... :) kailangan ko lng po talaga.

    TumugonBurahin
    Mga Tugon
    1. ang pangarap nya sa anak nya ay maging matatag na sanngol at may lakas ng loob na harapin ang pagsubok ng buhay at magkaroon ito ng magandang kinabukasan.

      Burahin
    2. ang pangarap nya sa anak nya ay maging matatag na sanngol at may lakas ng loob na harapin ang pagsubok ng buhay at magkaroon ito ng magandang kinabukasan.

      Burahin
    3. pangarap na maging isang mandirigma ang kanyang sanggol .

      Burahin
  2. masining ba ang tulang tinalakay? patunayan.

    TumugonBurahin
  3. masining ang tulang tinalakay na hele ng inay sa panganay dahil ito ay sumasalamin sa totoong buhay ng isang ina o tao.

    TumugonBurahin
  4. masining ang tulang tinalakay na hele ng inay sa panganay dahil ito ay sumasalamin sa totoong buhay ng isang ina o tao.

    TumugonBurahin
  5. ano-anong bagay ang inihambing sa sanggol? paki sagot po :)
    at bakit ito ang mga ginamit sa paglalarawan sa katangiang taglay niya?

    TumugonBurahin
  6. Ano po ung mga simbolismong maarig maiugnay sa tula??
    pakisagot po please kelan lang po talaga isa lang po kasi nakikita ko ei ung puno

    TumugonBurahin
  7. Sino ang kinakausap ng persona sa tula?

    TumugonBurahin
  8. Sino o ano po ba ang salitang Lupeyo? Ito ay nasa unang talata ,ikatlong pangungusap

    TumugonBurahin
  9. malinaw ho bang naisasalaysay ang kultura ng bansang pinagmulan nito ? paki sagot lang po please .. kailangan ho talaga

    TumugonBurahin
  10. malinaw ho bang naisasalaysay ang kultura ng bansang pinagmulan nito ? paki sagot lang po please .. kailangan ho talaga

    TumugonBurahin
  11. Interpretasyon ng mga saknong sa panahon . Pakisagot pp please . Base dyan sa kwento na yan . Need ko lng po sa portfolio

    TumugonBurahin
  12. Interpretasyon ng mga saknong sa panahon . Pakisagot pp please . Base dyan sa kwento na yan . Need ko lng po sa portfolio

    TumugonBurahin
  13. ano ang mga simbolismo na ginamit ? at ang mga ibigsahin nito ?

    TumugonBurahin
  14. Anong uri ng tula ang Hele ng Ina sa kaniyang anak???

    TumugonBurahin
    Mga Tugon
    1. Pasagot naman po oh.. Kailangan lang.. Para sa Report.. Maraming maraming maraming salamat sa mga sasagot..

      Burahin
  15. Anong uri ng tula ang Hele ng Ina sa kaniyang anak???

    TumugonBurahin
  16. Base po sa tula may itatanong lang po ako ano po ba ang mga kahulugan nang mga sumusunod:

    Lupeyo
    Munsik
    Panulag
    Guerrero
    Buskala
    Kapusugan
    Panagimpan
    Yumuyungyong
    Ibubuyangyang
    Kapilas
    Suwi
    Nyongeza
    Nyumba

    Pakisagot na lang po ASAP.. kailangan ko po kasi ty po!

    TumugonBurahin
  17. Naalis ng may-ari ang komentong ito.

    TumugonBurahin
  18. ano po ba ang mga kahulugan nang mga sumusunod:

    Lupeyo
    Munsik
    Panulag
    Guerrero
    Buskala
    Kapusugan
    Panagimpan
    Yumuyungyong
    Ibubuyangyang
    Kapilas
    Suwi
    Nyongeza
    Nyumba

    TumugonBurahin
  19. MakaTuwiran bang iugnay ang pagkakakilanlan at katangian ng isang anak sa kaniya amah?

    TumugonBurahin
  20. Ikaw ba’y tatawaging waring dumi ng baka na “anak ng kamalasan?”
    Ang poo’y di marapat na pagnakawan,
    Sa iyo’y wala silang masamang pinapagimpan.
    Ika’y kanilang pinaliguan at dinamitan ng kagandahan.
    Ika’y biniyayaan ng mga matang naglalagablab.
    At ang pambihirang pangungunot ng iyong kilay
    Ay hindi ba palatandaan na ika’y maingat nilang pinanday?
    Yaman ni Zeus at Aphrodite sa iyo’y kanilang inalay.
    At ang katalinuhang nangungusap sa iyong mga mata,
    Maging sa iyong halakhak.
    Paano ka pangangalanan, aking inakay?
    Ikaw ba’y lahi na iyong lahi o naiibang nilalang?



    ano po bang simbolismo ang nandito pls sagot po salamat.

    TumugonBurahin
  21. Ikaw ba’y tatawaging waring dumi ng baka na “anak ng kamalasan?”
    Ang poo’y di marapat na pagnakawan,
    Sa iyo’y wala silang masamang pinapagimpan.
    Ika’y kanilang pinaliguan at dinamitan ng kagandahan.
    Ika’y biniyayaan ng mga matang naglalagablab.
    At ang pambihirang pangungunot ng iyong kilay
    Ay hindi ba palatandaan na ika’y maingat nilang pinanday?
    Yaman ni Zeus at Aphrodite sa iyo’y kanilang inalay.
    At ang katalinuhang nangungusap sa iyong mga mata,
    Maging sa iyong halakhak.
    Paano ka pangangalanan, aking inakay?
    Ikaw ba’y lahi na iyong lahi o naiibang nilalang?



    ano po bang simbolismo ang nandito pls sagot po salamat.

    TumugonBurahin